Rasmiy munosabat

2025-11-15

Rasmiy munosabat

“Alyorteks” MChJ xodimlari tomonidan 2024 yil sentyabrdan 2025 yil iyuligacha bo‘lgan davr uchun ish haqlari to‘lanmayotgani, bir necha bor murojaat qilinganiga qaramay to‘lovlar muddati doimiy ravishda kechiktirilayotgani yuzasidan bildirgan murojaat bo‘yicha quyidagilar ma’lum qilinadi.

Mazkur murojaat Davlat mehnat inspeksiyasining nazoratiga olindi. Holat yuzasidan korxona faoliyati o‘rganilishi, xodimlarning ish haqlari hisob-kitobi, berilmagan oyliklar summasi hamda kechikish sabablar yuzasidan xizmat tekshiruvi o‘tkaziladi.

O‘rganish davomida:

• xodimlar bilan tuzilgan mehnat shartnomalari,

• ish vaqti tabeli,

• ish haqi bo‘yicha buxgalteriya hujjatlari,

• korxona rahbariyatining ish haqlarini to‘lamaslikka oid hatti-harakatlari

atroflicha tahlil qilinadi.

Aniqlangan qonunbuzilish holatlari bo‘yicha “Alyorteks” MChJ rahbariyatiga nisbatan amaldagi mehnat qonunchiligiga muvofiq majburiy ko‘rsatma beriladi va ish haqlari to‘liq hamda o‘z vaqtida berilishini ta’minlash choralar ko‘riladi.

Murojaat yuzasidan o‘rganish natijalari bo‘yicha qo‘shimcha ma’lumot taqdim etiladi.