Расмий муносабат

2025-11-15

Расмий муносабат

“Alyorteks” МЧЖ ходимлари томонидан 2024 йил сентябридан 2025 йил июлигача бўлган давр учун иш ҳақлари тўланмаётгани, бир неча бор мурожаат қилинганига қарамай тўловлар муддати доимий равишда кечиктирилаётгани юзасидан билдирилган мурожаат бўйича қуйидагилар маълум қилинади.

Мазкур мурожаат Давлат меҳнат инспекциясининг назоратига олинди. Ҳолат юзасидан корхона фаолияти ўрганилиши, ходимларнинг иш ҳақлари ҳисоб-китоби, берилмаган ойликлар суммаси ҳамда кечикиш сабаблари юзасидан хизмат текшируви ўтказилади.

О‘рганиш давомида:

• ходимлар билан тузилган меҳнат шартномалари,

• иш вақти табеллари,

• иш ҳақи бўйича бухгалтерия ҳужжатлари,

• корхона раҳбариятининг иш ҳақларини тўламасликка оид хатти-ҳаракатлари

атрофлича таҳлил қилинади.

Аниқланган қонунбузилиш ҳолатлари бўйича “Alyorteks” МЧЖ раҳбариятига нисбатан амалдаги меҳнат қонунчилигига мувофиқ мажбурий кўрсатма берилади ва иш ҳақларини тўлиқ ҳамда ўз вақтида берилишини таъминлаш чоралари кўрилади.

Мурожаат юзасидан ўрганиш натижалари бўйича қўшимча маълумот тақдим этилади.