Rasmiy munosabat

2025-11-16

Rasmiy munosabat

Andijon shahar “Qusharik” mahallasida yashovchi fuqaro Ruziboyeva Nilufar tomonidan “Nomonjon Iftixori” MChJga uning roziligisiz ishga joylashtirilgani, My.gov.uz orqali may oyidan buyon ishlayotganligi haqida ma’lumot chiqmoqda. Shuningdek, murojaatchining aprel oyida xorijga ishlash maqsadida chiqib ketgani, bolalar puli tayinlash masalasi rad etilayotgani bildirilgan.

Mazkur holat yuzasidan Andijon shahar Kambag‘allikni qisqartirish va bandlik bo‘limi, Davlat mehnat inspeksiyasi hamda tegishli shahar (tuman) sektor rahbarlari ishtirokida birinchi navbatda xizmat tekshiruvi o‘tkaziladi.

O‘rganish davomida:

• murojaatchini ishga joylashtirish bo‘yicha mazkur MChJda fuqaro tomonidan berilgan ariza yoki mehnat shartnomasi mavjudligi,

• fuqaroning roziligisiz mehnat munosabatlari yuritilgan-yuritilmaganligi,

• My.gov.uz axborot tizimiga noto‘g‘ri ma’lumot kiritilgan holat mavjudligi,

• bolalar nafaqasini rad etish sabablari

atroflicha o‘rganilib, qonunchilikka zid holatlar aniqlanganda belgilangan tartibda choralar ko‘riladi.

Mazkur holat yuzasidan o‘rganish natijalari bo‘yicha qo‘shimcha ma’lumot taqdim etiladi.