Расмий муносабат

2025-11-16

Расмий муносабат

Андижон шаҳар “Қушарик” маҳалл

асидан яшовчи фуқаро Рузибоева Нилуфар томонидан “Номонжон Ифтихори” МЧЖга унинг розилигисиз ишга жойлаштирилгани, My.gov.uz орқали май ойидан буён ишлаётганлиги ҳақида маълумот чиқмоқда. Шунингдек, мурожаатчининг апрель ойида хорижга ишлаш мақсадида чиқиб кетгани, болалар пули тайинлаш масаласи рад этилаётгани билдирилган.

Мазкур ҳолат юзасидан Андижон шаҳар Камбагалликни қисқартириш ва бандлик бўлими, Давлат меҳнат инспекцияси ҳамда тегишли шаҳар (туман) сектор раҳбарлари иштирокида биринчи навбатда хизмат текшируви ўтказилади.

Ўрганиш давомида:

• мурожаатчини ишга жойлаштириш бўйича мазкур МЧЖда фуқаро томонидан берилган ариза ёки меҳнат шартномаси мавжудлиги,

• фуқаронинг розилигисиз меҳнат муносабатлари юритилган-юритилмаганлиги,

• My.gov.uz ахборот тизимига нотўғри маълумот киритилган ҳолат мавжудлиги,

• болалар нафақасини рад этиш сабаблари

атрофлича ўрганилиб, қонунчиликка зид ҳолатлар аниқланганда белгиланган тартибда чоралар кўрилади.

Мазкур ҳолат юзасидан ўрганиш натижалари бўйича қўшимча маълумот тақдим этилади.