Rasmiy munosabat

2025-11-03

Rasmiy munosabat

Asaka tumani “Fayzobod” mahallasida faoliyat yurituvchi “Mehirli makon – imkoniyatlar olami” markazi rahbari N.Nurmuxamedovaga nisbatan fuqarodan tushgan murojaatda ishga qabul qilish evaziga 1 000 AQSH dollari talab qilingani hamda avgust oyidan buyon xodimlarning oylik ish haqlari to‘lanmayotgani haqida ma’lumotlar bildirilgan.

Mazkur holat yuzasidan Asaka tuman Kambag‘allikni qisqartirish va bandlik bo‘limi hamda tegishli huquqni muhofaza qiluvchi organlar tomonidan o‘rganish ishlari boshlab yuborildi. O‘rganish davomida murojaatchi tomonidan qayd etilgan pul mablag‘larini qaytarish, oylik ish haqi bo‘yicha qarzdorlikni bartaraf etish hamda qonunbuzilish alomatlari mavjud bo‘lsa, belgilangan tartibda choralar ko‘rilishi ta’minlanadi.

Shuningdek, murojaatchining transport xarajatlari va yetkazilgan noqulayliklar bo‘yicha ham qo‘shimcha tekshiruv o‘tkaziladi.

Holat yuzasidan yakuniy natijalar bo‘yicha qo‘shimcha axborot taqdim etiladi.