Расмий муносабат

2025-11-03

Расмий муносабат

Асака тумани “Файзобод” маҳалласида фаолият юритаётган “Мехирли макон – имкониятлар олами” маркази раҳбари Н.Нурмуҳамедовага нисбатан фуқародан тушган мурожаатда ишга қабул қилиш эвазига 1 000 АҚШ доллари талаб қилингани ҳамда август ойидан бери ходимларнинг ойлик иш ҳақлари тўланмаётгани ҳақида маълумотлар билдирилган.

Мазкур ҳолат юзасидан Асака туман Камбагалликни қисқартириш ва бандлик бўлими ҳамда тегишли ҳуқуқни муҳофаза қилувчи органлар томонидан ўрганиш ишлари бошлаб юборилди. Ўрганиш давомида мурожаатчи томонидан қайд этилган пул маблағларини қайтариш, ойлик иш ҳақи бўйича қарздорликни бартараф этиш ҳамда қонунбузилиш аломатлари мавжуд бўлса, белгиланган тартибда чоралар кўрилиши таъминланади.

Шунингдек, мурожаатчининг транспорт харажатлари ва етказилган ноқулайликлар бўйича ҳам қўшимча текширув ўтказилади.

Ҳолат юзасидан якуний натижалар бўйича қўшимча ахборот тақдим этилади.