Расмий муносабат

2025-11-09

Расмий муносабат

“Андижонда теримчи аёллар бир ойдан буён пахта пулини ололмаяпти. Кластернинг фермерлардан миллиардлаб қарзи борлиги айтилаяпти” мазмунидаги 08.11.2025 йилда “Дарё” интернет-нашрида эълон қилинган мақола юзасидан Андижон вилояти Камбагалликни қисқартириш ва бандлик бош бошқармаси Давлат меҳнат инспекцияси томонидан қуйидагилар маълум қилинади.

Ўрганишлар давомида Марҳамат туманида фаолият юритаётган “Марҳамат текстиль” МЧЖ кластер томонидан 2025 йил ҳолатига туманнинг жами 53 та фермер хўжалигидан 11 425 тонна пахта хомашёси қабул қилингани, ушбу ҳажм учун 18 млрд 765 млн сўм терим пуллари тўланиши лозимлиги аниқланган. Шундан 18 млрд 165 млн сўм тўловлар амалга оширилгани, 600 млн сўм қарздорлик сақланиб қолганлиги маълум бўлган.

Давлат меҳнат инспекцияси томонидан 10.11.2025 куни кластер раҳбари номига иш ҳақини ўз вақтида тўлаш бўйича бажарилиши мажбурий бўлган ёзма кўрсатма берилган.

Кўрсатма ижроси юзасидан “Марҳамат текстиль” МЧЖ томонидан қўшимча молиявий ҳисоб-китоблар тақдим этилди ва жами 12 574 тонна пахта хом ашёси учун 22 млрд 634 млн сўмлик терим пуллари ҳисоблангани маълум қилинди. 10.11.2025 йилга қадар 21 млрд 350 млн сўм тўловлар амалга оширилгани, 1 млрд 284 млн сўм миқдорда қарздорлик мавжудлиги қайд этилган.

Давлат меҳнат инспекциясининг 10.11.2025 йилдаги ёзма кўрсатмасига мувофиқ:

• 10.11.2025 куни — 600 млн сўм,

• 11.11.2025 куни — 684 млн сўм

миқдордаги терим пуллари фермер хўжаликлари ҳисоб рақамларига тўлиқ ўтказилиши таъминланган.

Натижада кластер томонидан терим пуллари бўйича мавжуд қарздорликлар 12.11.2025 йил ҳолатига тўлиқ бартараф этилди.

Мурожаат бўйича белгиланган тартибда чоралар кўрилди ва фуқароларнинг ўз вақтида билдирган талаб ва мурожаатлари тўлиқ қондирилди.