Корея Республикасида вақтинчалик меҳнат фаолиятини амалга ошириш истагида бўлган Андижон вилояти фуқаролари диққатига

2023-02-03

Корея Республикасида вақтинчалик меҳнат фаолиятини амалга ошириш истагида бўлган фуқаролар учун Инсон ресурсларини ривожлантириш хизмати томонидан EPS-Topik тест имтиҳони 2023 йил март ойида ўтказилиши режалаштирилган.

Жорий йилдаги тест имтиҳонида 26 910 нафар (2023 йилнинг 1-ярим йиллигида 9 000 нафар, 2-ярим йиллигида 17 910 нафар) номзод иштирок этиши кўзда тутилган.

Шуни инобатга олиб, номзодлардан тест имтиҳонига кириш учун 2023 йил 6-7 февраль кунлари (соат 09:00 дан 18:00 гача)

Миллий банкнинг мобил иловаси (https://milliy.nbu.uz/pay-free/instant/441/1068?hash=t32t2dfe70c43208f52b9ef4ea7e134705283947116491e81fbac05f0aedc25c5956) орқали тўловни амалга оширган ҳолда онлайн рўйхатдан ўтиш мумкин (рўйхатдан ўтиш ҳаволаси қўшимча маълум қилинади).

Рўйхатдан ўтиш учун хорижга чиқиш паспорти бўлиши шарт.

Eps-topik тест имтиҳонида қатнашиш учун:

1. Ўзбекистон Республикаси фуқароси;

2. 18 ёшга тўлган (2005 йил 6 февраль санасидан олдин туғилган) ҳамда 40 ёшга тўлмаган (1983 йил 7 февраль санасидан кейин туғилган);

3. Корейс тилини биладиган;

4. Хорижга чиқиш учун тақиқи бўлмаган;

5. Соғлом, юқумли касалликка чалинмаган;

6. Корея Республикаси ҳудудига киришга тақиқи йўқ;

7. Корея Республикасида 5 йилдан ортиқ муддатда ишламаган;

8. Ўзбекистон Республикасида жиноий жавобгарликка тортилмаган, судланмаган бўлиши лозим.

Онлайн рўйхатдан ўтиш учун керакли маълумотлар:

1. Телефон рақами;

2. Хорижга чиқиш паспорт серияси ва рақами;

3. Яшаш манзили (вилоят, туман, МФЙ, кўча ва хонадон)

Маълумотлар лотин алифбосида киритилиши зарур.

🔔Онлайн рўйхат учун юкланиши лозим бўлган ҳужжатлар:

1. Хорижга чиқиш паспортининг сифатли рангли электрон шаклдаги нусхаси (ламинат қилинган томони, файл ҳажми 55кб дан 60кб (600х400 пиксел) гача JPG форматида бўлиши лозим);

2. 3,5х4,5 ҳажмдаги оқ фонли сифатли рангли расм (фон билан устки кийимнинг ранги бир хил бўлмаслиги керак, файл ҳажми 13кб дан 15кб (150х190 пиксел) гача JPG форматида бўлиши лозим).

👉 Паспорт ва расмни юклаш тартиби

 (http://www.migration.uz/post/view/122)❗️Маълумотлар хато юкланган ёки киртилган тақдирда тест имтиҳонларида қатнаша олмаслигингиз ёки тестдан мувафаққиятли ўтган тақдирингизда ҳам виза рад этилиши мумкин. Шуни инобатга олиб, номзодлардан маълумотларни тўлиқ ва аниқ киритилиши сўралади.

❗️Ташқи меҳнат миграцияси агентлиги тест имтиҳонларидан муваффақиятли ўтган фуқароларни Корея Республикасида меҳнат фаолиятини амалга оширишини кафолатламайди.

❗️Техник носозлик юзага келиш эҳтимоли борлигини инобатга олган ҳолда, рўйхатга олиш куни ёки вақтига ўзгартириш киритилиши мумкин.

☎️Мурожаат учун: 71 202-33-55

🔻 Ахборот каналларимизни кузатиб боринг     

   Facebook | https://www.facebook.com/groups/894428467941112/ 

   Twitter |https://www.twitter.com/Andijon_Bandlik   

  Youtube | https://www.youtube.com/@andijonviloyatibandlikbosh300/videos 

Telegram |https://t.me/andijon_bandlik_bosh_boshqarmasi