Расмий муносабат

2025-12-30

Расмий муносабат

“Марҳаматтекстил” МЧЖ ишчи-ходимлари номидан йўлланган мурожаатда, 2025 йилнинг январ ойидан бери ишчиларнинг ойлик иш ҳақи тўлаб берилмаётгани, шунингдек, жамият раҳбари ва мутасадди идораларга бир неча бор қилган мурожаатларига натижа берилмагани қайд этилган.

Мазкур мурожаат Андижон вилояти Камбағалликни қисқартириш ва бандлик бошқармасининг Давлат меҳнат инспекцияси томонидан назоратга олинди.

Ҳолат юзасидан атрофлича ўрганиш ишлари олиб борилмоқда. Ўрганиш якунлари бўйича қонунбузарлик ҳолатлари аниқланган тақдирда, амалдаги қонунчиликка мувофиқ тегишли чоралар кўрилади ва бу ҳақда қўшимча ахборот тақдим этилади.